您当前位置:主页 > 新闻门户网 >【盘房来料】石油价格未必能持续高企 >
【盘房来料】石油价格未必能持续高企
新闻门户网

【盘房来料】石油价格未必能持续高企

粉丝数:922+
浏览量:4678欢迎浏览本网站的精品文章
时间:2020-06-13 15:10:32
【盘房来料】石油价格未必能持续高企放大图片

港股连续弹咗两个星期,今早终见出现回吐,主要係内地公布上月经济数据稍逊预期,恒指一度曾跌逾300点。加上沙地石油设施遇袭,令避险情绪升温,目前恒指守住二万七关,金价跟油价显着上升。

恒指早段低开139点,报27212点已属半日高位,其后内地公布8月工业、固投及零售数据,全部差过预期,恒指一度急跌376点,二万七关亦失守,低见26976点。不过恒指喺50日线(26944点)有支持,二万七关失而复得。恒指中午报收27079点,跌273;国指报收10588点,跌98点。

重磅蓝筹股普遍受压,腾讯(00700)跌2.2%,但暂时仍守住340元都算係咁;至于阿Man长线仍睇好嘅友邦(01299),今日半日跌1.6%,但暂时股价企唔稳喺80元,就算想买货都未使心急。至于港交所(00388)向伦交所求爱不成,被闪电拒爱,市场认为港交所或出招敌意收购,强抢民女,但对港交所嚟讲绝对唔係好事,股价半日跌2.1%。

沙地产油设施受袭,油价急升推动三桶油做好,中石油(00857)扬5.5%;中石化(00386)升1.6%;中海油(00883)则飙6.2%,係升幅最大蓝筹股,而其他油服务亦见资金追捧。不过阿Man就唔多信油价会因为呢个原因,飙升至美桶100美元,皆因侵侵已表示宣布正式授权释放战略石油储备稳定原油市场,而沙特阿美虽然话要几个礼拜先可以将全部产能恢复至正常水平,但大部份产能可以几日内恢复,所以油价短暂急升后,未必可以一直企稳高位。油价能够持续做好,主要係靠经济表现支撑,若然经济表现未如理想,油价亦难持续高企。

上周五阿Man讲到明汽车股追唔过,话口未完,今日汽车股全线回吐,跌幅由1%至超过3%,话咗高追有伏,唔係阿Man刻意睇死呢个板块,而係客观环境令呢个板块长期积弱。未知石油股高追会否同样中伏,不过石油股相对汽车股呢个板块更难炒,入场趁热闹要识执生。

提一提大家呢个星期日本、英国央行及联储局议息,喺欧央行上周大大力放水后,唔排除其他央行有样学样,虽然放水对股市利好,但放水背后嘅原因係经济唔掂,股市对于各国央行积极行货币宽鬆政策嘅反应,可能未必咁正面,建议继续採取较保守嘅入市政策。

麦狄文
(徐狄怡‧证监会持牌人)

相关推荐